पंढरपूर : दर वर्षीप्रमाणेच यंदाही प्रथेप्रमाणे पंढरपूर येथे श्री विठ्ठल आणि रुक्मिणी मातेचा विवाह वसंत पंचमीच्या मुहूर्तावर (३० जानेवारी २०२०) मोठ्या उत्साहात आणि पारंपरिक पद्धतीने पार पडला. त्यासाठी मंदिरात भक्तांची मोठी गर्दी झाली होती. या सोहळ्यासाठी दोन्ही मंदिरांना सुमारे १०-१२ प्रकारच्या आणि १५ ते २० रंगांच्या फुलांची मनोवेधक आरास करण्यात आली होती.
१५०० किलोहून अधिक वजनाची फुले यासाठी वापरण्यात आली. भोसरी (पुणे) येथील विठ्ठलभक्त भारत दिलीप भुजबळ यांनी ही सजावट केली होती. भोसरीतील लक्ष्मी फॉवर्सच्या ५० कारागीरांनी ही सजावट केली. तसेच, पुण्यातील संतोष आढागळे या भाविकाने रांगोळी काढली होती.